Hrina smáskjálfta skammt austan við Selfoss

Í dag hófst hrina smáskjálfta skammt austan við Selfoss, nánar tiltekið á móts við Laugardæli um 1-2 km. austan við þéttbýlið á Selfossi. Hrinan hófst laust eftir kl. 10 í morgun og hefur staðið yfir í allan dag. Stærstu skjálftarnir hafa verið 1,7 og 1,6 á óyfirförnum kvarða Veðurstofunnar sjá hér:

 http://www.vedur.is/skjalftar-og-eldgos/jardskjalftar/#view=table

Á jarðskjálftasjánni sést að skjálftarnir mynda nokkuð regluleg mynstur í grófa NA-SV stefnu.

Heimild: Jarðskjálftavefur Veðurstofu Íslands.

Athugasemdir

[Þorsteinn Sverrisson, 20.11.2007 kl. 21:22]

Þú ert þá eiginlega "Ragnar skjálfti" í dag

[Ragnar Geir Brynjólfsson, 21.11.2007 kl. 21:00]

Tjah... ekki þori ég nú að eigna mér slíkan heiður, en fullsæmdur væri ég af því að vera Ragnar litliskjálfti og væri það nafn fremur í takt við sunnlenska og rómaða hógværð mína.  

[Ragnar Geir Brynjólfsson, 22.11.2007 kl. 20:57]

Leiðrétting: Hér að ofan átti að standa "á móts við Laugardælur" því skv. sunnlenskri málvegju er beygingin: Dælur, um dælur frá dælum til dæla, en ekki dælir um dælir frá dælum til dæla. Þágufallið er það sama og því ruglast ég stundum á þessu. Það er talað um að fara upp í dælur o.s.frv. Ég bið lesendur afsökunar á þessum málfræðimistökum.

[Gunnlaugur B Ólafsson, 23.11.2007 kl. 19:14]

Afsökunarbeiðni samþykkt. Set línu hér inn svo Laugvetningar umræðunnar séu orðnir þrír. Með góðri kveðju.